Gimnastlarımız “AGF Trophy” turnirində daha bir qızıl medal qazandı

Ölkəmizdə keçirilən bədii gimnastika üzrə “AGF Trophy” beynəlxalq turnirinin üçüncü günündə Azərbaycan gimnastları daha bir qızıl medala layiq görülüblər.

Gövhər İbrahimova, Səkinəxanım İsmayılzadə, Mədinə Aslanova, İlahə Bahadırova, Ayan Sadıqova, Zəhra Cəfərovanın yer aldığı gənclərdən ibarət qrup komandamızın üzvləri 5 topla hərəkətlərin icrasında qızıl medal qazanıb.
“AGF Trophy” kubokunun böyüklər arasında qrup hərəkətləri proqramında təqdimetmə mərasimi keçirilib.

Qrup hərəkətləri üzrə yığmamızın üzvləri – Güllü Ağalarzadə, Ləman Əlimuradova, Kamilla Əliyeva, Zeynəb Hümmətova, Yelizaveta Luzan, Darya Sorokina ən yüksək icra xalına görə (3 lent və 2 top proqramı üzrə) “AGF Trophy” kubokuna layiq görülüblər.