Gimnastlarımız qitə çempionatında

Aprelin 21-25-də İsveçrədə idman gimnastikası üzrə Avropa çempionatı keçiriləcək. Allsport.az xəbər verir ki, Bazeldə baş tutacaq turnirdə ölkəmizi 5 gimnast təmsil edəcək.

Millimizin heyətində Ağamurad Qəhrəmanov, İvan Tixonov, Nikita Simonov, Marina Nekrasova və Milana Minakovskaya birincilik uğrunda mübarizə aparacaqlar.

Yarışda 38 ölkədən 280 idmançı mübarizə aparacaq.