“Hava şəraiti və stadionun vəziyyəti yaxşı oynamağa imkan vermədi”

“Araz-Naxçıvan” Azərbaycan premyer liqasının XVII turunda səfərdə “İmişli” ilə heç-heçə edib – 2:2.

Allsport.az xəbər verir ki, görüşdən sonra muxtar respublika təmsilçisinin yeni baş məşqçisi Andrey Demçenkonun mətbuat konfransı keçirilib.

O, bunu deyib: “Hava şəraiti və stadionun vəziyyəti yaxşı oynamağa imkan vermədi. Rəqib standart vəziyyətdən 2 qol vurdu. Çalışırdıq ki, oyuna nəzarəti özümüzdə saxlayaq, qollar vuraq. Futbolun yazılmayan qanunu var: vurmayana vurarlar. Hazırda əlimizdə olan futbolçuların gücündən maksimum istifadə etməyə çalışırıq.

Heyəti quran zaman legionçu və ya yerli seçimi yox, kim hazırdırsa, daha yaxşı vəziyyətdədirsə, ona oynamaq imkanı yaradırıq”.