IJF-in prezidenti Parisdə Rövnəq Abdullayevlə görüşüb

Xəbər verdiyimiz kimi, Parisdə  “Böyük dəbilqə” turniri keçirilir və bu yarışda Azərbaycan Cüdo Federasiyası yüksək rəhbərlik səviyyəsində iştirak edir.

Allsport. az saytı xəbər verir ki, tədbirin gedişində IJF-in prezidenti Marius Vizer ACF-dən olan həmkarı Rövnəq Abdullayevi vəzifəyə seçilməsi münasibətilə təbrik edib və Azərbaycanda dövlət səviyyəsində idmana qayğını yüksək qiymətləndirib.

Beynəlxalq Cüdo Federasiyasının prezidenti, həmçinin bu il ölkəmizdə keçirilən birinci Avropa Oyunlarının yüksək səviyyədə təşkil edildiyini deyib.