İki cüdoçumuz qızıl medal qazanıb

Azərbaycanın iki cüdoçusu Polşanın Pila şəhərində U-23 Avropa çempionatının ilk günündə qızıl medal qazanıblar.

Allsport.az xəbər verir ki, Hüseyn Allahyarov (60 kq) və Fidan Əlizadə (57 kq) bütün rəqiblərini üstələyərək fəxri kürsünün ən yüksək pilləsinə qalxıblar.

Digər təmsilçilərimizdən Aydan Vəliyeva (52 kq) gümüş, Rüfət Şövlətov (73 kq) isə bürünc medal qazanıblar.