İsmayıllıda yeniyetmə cüdoçuların region birinciliyinə yekun vurulub

İsmayıllıda region birinciliyinə yekun vurulub. Allsport.az saytı xəbər verir ki, şimal bölgəsindən olan yeniyetmə cüdoçular 2 yaş qrupu üzrə medallar uğrunda yarışıblar.

2001-2003-cü il təvəllüdlü yeniyetmələrin birinciliyində İsmayıllı cüdoçuları daha yaxşı nəticə göstərərək ümumi komanda hesabında 1-ci yeri tutublar. Qaliblərə ACF-in diplomları, medallar və hədiyyələr verilib.

Şimal regionu üzrə birincilikdə Oğuz, Ağsu, İsmayıllı, Qəbələ, Qobustan və Şamaxı cüdoçuları mübarizə aparıblar. Yeniyetmə cüdoçuların zona yarışları Qubada davam etdiriləcək.