Lalə Kramarenko Rusiyada yenə 1-ci oldu. İrina Viner onu təriflədi

Ümumrusiya bədii gimnastika federasiyasının prezidenti və Rusiya yığmasının baş məşqçisi İrina Viner, Lalə Kramarenkonun “Güclülər kuboku”nun finalında fərdi çoxnövçülükdə qazandığı qələbəni yüksək qiymətləndirib:

“Lalə – böyük tapıntıdır, çünki o, çıxışlarında çox özünü tənqid edir. Amma deyim ki, bu gün proqramlarını gözlədiyi kimi etdi. Sabah daha yaxşı olacaq. Əlbəttə, hər növbəti gündə də”.

Həmvətənimiz 163,950 xal toplayıb, Diana Çuqunixini (159,300) və Kseniya Kolyadinanı (146,400) qabaqlayıb.

O, sovetlər “Neftçi”sində məşhur azərbaycanlı qapıçı Sergey Kramarenkonun nəvəsi, millimizin qolkiperi və məşqşisi olmuş Dmitri Kramarenkonun qızıdır.