Lalə yığmanın heyətində

Bədii gimnastika üzrə çoxqat Rusiya çempionu Lalə Kramarenko Rusiya yığmasının 2026-cı il üçün ehtiyat heyətinə daxil edilib.

Allsport.az xəbər verir ki, 21 yaşlı idmançı 2024-cü ilin yayında keçirdiyi əməliyyat səbəbindən bir ildən çox idi ki, yarışlardan kənarda qalmışdı. Ötən ilin noyabrında karyerasını bərpa etdiyini açıqlayan gimnast, artıq rəsmi siyahıda yer alıb.

Lalə Kramarenko vaxtilə Azərbaycan millisinin futbolçusu olmuş qapıçı Dmitri Kramarenkonun qızıdır.