Məşhur gimnast Bakıda ustad dərsləri keçəcək

Türkiyənin məşhur gimnastı, idman gimnastikası üzrə dünya çempionatının (paralel qollarda) və fərdi çoxnövçülük üzrə Avropa çempionatının gümüş medalçısı Əhməd Öndər tərəfindən Bakıda ustad dərsləri keçiriləcək.

Allsport.az xəbər verir ki, bu intensiv proqram zamanı iştirakçılar Əhməd Öndərin məşq metodikası, texnikası və dünya səviyyəsindəki təcrübələrindən faydalanacaq. Ustad dərsləri həm gimnastlar, həm də bu sahəyə yeni başlayanlar üçün nəzərdə tutulub. Bu dərslərdə bütün yaş kateqoriyaları üzrə gimnastlar iştirak edə bilər.

Tarix:

6 dekabr, saat 10:00 (klublar üçün)

7 dekabr, saat 12:00 (milli komanda üçün)

Məkan:

6 dekabr – Milli gimnastika arenası

7 dekabr – Heydər Əliyev adına idman konsert kompleksi