Macarıstanda uğursuz çıxış

Budapeştdə keçirilən qılıncoynatmanın sablya növü üzrə kişilər arasında dünya kubokunun mərhələ yarışına yekun vurulub.

Allsport.az xəbər verir ki, komanda yarışında Murad Əkbərov, Maqsud Hüseynli və Saleh Məmmədovdan ibarət milli İtaliya yığmasına 29:45 hesabı ilə məğlub olub.

Şəxsi yarışda Murad Əkbərov və Maqsud Hüseynli qrup mərhələsini adlasa da, pley-offda mübarizəni dayandırıb.

Saleh Məmmədov isə qrup mərhələsini adlaya bilməyərək mübarizəni erkən dayandırıb.