Malkin finala yüksəldi

Azərbaycan təmsilçisi Mixail Malkin Bakıda keçirilən batut gimnastikası üzrə dünya çempionatında finala yüksəlib.

Allsport.az xəbər verir ki, tamblinq növündə çıxış edən 25 yaşlı idmançı təsnifat mərhələsində 2-ci cəhdini edib.

Avropa çempionu və dünya yaş qrupları yarışlarının qalibi bu dəfə 37,300 xala layiq görülüb. O, ümumi sıralamada 75,200 xalla 3-cü olub və həlledici mərhələyə vəsiqə qazanıb.

Bu növdə final yarışın sonuncu günündə – noyabrın 21-də gerçəkləşəcək.