Milli gimnastika arenasında Ümumdünya qan donoru gününə tədbir

Milli gimnastika arenasında 14 İyun – Ümumdünya qan donoru gününə tədbir keçirilib. Allsport.az saytı xəbər verir ki, iştirakçılar arasında şəhid ailələrinin üzvləri, sağlamlıq imkanları məhdud və qan xəstəliklərindən əziyyət çəkən azyaşlılar da yer alıb.

Rəsmi açılışdan sonra sağlamlıq imkanları məhdud olan uşaqlar işarə dilində himnimizi ifa ediblər. Həmçinin iştirakçılar üçün arenada ekskursiya təşkil olunub.

“Sağlam olaq – donor olaq” şüarı ilə tədbir Azərbaycan gimnastika federasiyası və Azərbaycan qan donorluğunun inkişafı mərkəzi tərəfindən təşkil edilib.