Oruc Vəlizadənin Roma “bürünc”ü

Romada cüdoçuların Avropa açıq çempionatı start götürüb. Allsport.az saytı xəbər verir ki, 36 ölkədən 257 idmançının mübarizə apardığı yarışın ilk günündə Azərbaycan millisi hesabına bir medal yazdırıb.

60 kq-da Oruc Vəlizadə ilk görüşündə hollandiyalı Roy Koffijberqi, sonra Koreya cüdoçusu Hyuk Çoiyi məğlub edib. O, 1/4 finalda rusiyalı İslam Yaşuyevə uduzaraq təsəlliverici görüşə qatılıb.

Bu mərhələdə qırğızıstanlı Argen Bakytbekə qalib gəlib. 3-cü yer uğrunda görüşdə isə Fransa təmsilçisi Riçard Vergnesi məğlub edərək, bürünc medala sahib olub.