Qitə birinciliyinə hazırlıqda 10 cüdoçu

Cüdoçular kata üzrə Avropa çempionatına hazırlıqlarını davam etdirir.

Allsport.az xəbər verir ki, milli komandaların təlim-məşq mərkəzində keçirilən toplanışa 10 idmançı cəlb olunub. Onlar mötəbər yarışa Türkiyə cüdo federasiyasının təhsil direktoru, VI dan qara kəmər sahibi Məhəmməd Yılmazın rəhbərliyi altında hazırlaşırlar.

Avropa çempionatı 31 may – 1 iyunda Riqada keçiriləcək. Qitə yarışında Azərbaycanı “nage-no-kata” və “katame-no-kata” kata formaları üzrə 4 idmançı təmsil edəcək.

Cüdoçular turnirdən öncə, 28–30 mayda Riqada təşkil olunacaq Kodokan kata seminarı və imtahanında da iştirak edəcəklər.