Qoridə 3 medal

Gürcüstanın Qori şəhərində cüdo üzrə böyüklər arasında Avropa kuboku start götürüb. Allsport.az xəbər verir ki, ilk yarış günündə milli komanda 3 medal qazanıb.

66 kq çəki dərəcəsində Nazir Talıbov bütün rəqiblərinə qalib gələrək fəxri kürsünün ən yüksək pilləsinə qalxıb.

60 kq çəkidə mübarizə aparan Babarəhim Mirzəyev gümüş medala yiyələnib.

73 kq-da tatamiyə çıxan Nəriman Mirzəyev isə bürünc medal əldə edib.

Turnirdə 15 ölkədən 169 cüdoçu qüvvəsini sınayır.