“Yarış müstəsna dərəcədə keyfiyyətli alındı“

Allsport.az xəbər verir ki, beynəlxalq cüdo federasiyasının baş direktoru Vlad Marinesku Bakıda keçirilən “Böyük Dəbilqə” turniri barədə danışıb:

“Paris-2024 yay olimpiya oyunları yaxınlaşdığı və lisenziyaların sürətlə əldə edildiyi bir vaxtda ilk növbədə Azərbaycana və yerli federasiyaya cüdo ailəsini qarşılayaraq, Azərbaycan xalqının atası Heydər Əliyevin xatirəsinə həsr olunan yüksək keyfiyyətli tədbirə ev sahibliyi etdiklərinə görə təşəkkür etməliyik. Yarış müstəsna dərəcədə keyfiyyətli alındı. Arenada olanların və onlayn izləyənlərin hamısına yüksək səviyyəli tamaşa təqdim edildi”.