Yeniyetmə cüdoçularımız 7 medalla Avropa kubokuna yiyələnib

İspaniyanın Fuengirola şəhərində yeniyetmə cüdoçuların Avropa kuboku başa çatıb. Allsport.az saytı xəbər verir ki, yarışın sonuncu günü də Azərbaycan millisi üçün uğurlu olub, komandamız 1 qızıl və 1 gümüş medal qazanıb.

+90 kq-da Məhəmməd Abdullayev bütün rəqiblərini üstələyib. Adil Kərimli (90 kq) yalnız finalda uduzub. Cəmdə 4 qızıl, 2 gümüş və 1 bürüc medal qazanaraq Azərbaycan seçməsi komanda hesabında Avropa kubokunda 1-ci olub.

21 ölkədən 423 idmançının (234 oğlan, 189 qız) mübarizə apardığı mötəbər yarışda ölkəmiz 16 cüdoçu (12 oğlan, 4 qız) ilə təmsil olunub.