Zeynəb Hümmətova belə yola salındı

Bədii gimnastika üzrə milli komandamızın üzvü, Paris-2024 yay olimpiya oyunlarının final mərhələsinin iştirakçısı, dünya çempionatının bürünc medalçısı, Avropa çempionatının 9-qat mükafatçısı Zeynəb Hümmətova peşəkar gimnastika karyerasını bitirdi.

Allsport.az saytı xəbər verir ki, bu münasibətlə onun komanda yoldaşları, gimnastika yolunda bir addımladığı qrup hərəkətləri komandası Milli gimnastika arenasının səhnəsində Zeynəbə həsr etdikləri çıxışı sərgilədilər.

Sonra isə, Azərbaycan gimnastika federasiyasının icra komitəsinin üzvü Rauf Əliyev ona “Azərbaycan gimnastikasına verdiyi töhfələrə görə” təltifnamə və hədiyyələr təqdim edib.