2-qat dünya çempionumuz Yaponiya mükafat yarışında fəxri kürsünün zirvəsinə çıxıb

Bu gün Yaponiyada mükafat yarışına yekun vurulub. Allsport.az saytı xəbər verir ki, Çiba şəhərində keçirilən G4 kateqoriyalı qran-prinin son günü 80 kq-da Milad Beigi Hərçəqani qızıl medala sahib olub.

Taekvondoçumuz fransalı İsmail Souhili, ardından ispaniyalı Daniel Barreranı və italya təmsilçisi Simone Allesionu yarışdan kənarlaşdıraraq yarımfinala adlayıb. Finala vəsiqə uğrunda xorvatiyalı Toni Kanaetə qarşı döyüşdən də qalib ayrılan Milad, həlledici qarşılaşmada rusiyalı Maksim Kramtçova qalib gəlib.