Stolüstü tenniçilərimiz Avropa çempionatında medalsız qaldı

Rusiyanın Yekaterinburq şəhərində stolüstü tenniçilərin 34–cü Avropa çempionatı başa çatıb. Allsport.az saytı xəbər verir ki, yarışda şəxsi, qoşa, qadınlar və kişilər arasında komanda dərəcələrində 6 dəst medal uğrunda mübarizə aparılıb.

Turnirdə 46 ölkədən 300–dən çox idmançı iştirak edib. Azərbaycan çempionatda baş məşqçi A.Zudovun rəhbərliyi ilə 6 nəfər gənc idmançı ilə (3 oğlan və 3 qız ) təmsil olunub. Təəssüf ki, millinin üzvləri bu rəqabətdə mükafatçılar sırasına düşə bilməyiblər.