ATF rəhbərliyi mükafatçılarla görüşüb

Bildiyiniz kimi, İspaniyanın Marina Dor şəhərində taekvondoçuların Avropa birinciliyində milli komandalarımız uğurlu çıxış edib. Allsport.az saytı xəbər verir ki, 1-6 oktyabrda yeniyetmələrimizdən Zemfira Həsənzadə və Pünhan Mürsəlov (41 kq) gümüş, Şamil Mirzəyev (33 kq) bürünc medala, gənclərdən Səyyad Dadaşov (51 kq), Cavab Ağayev (68 kq) və Taleh Süleymanov (78 kq) 3-cü yerə sahib olub.

Bu gün ATF mükafatçı idmançılarla görüş keçirilib. İclasda ATF-nın vitse-prezidentləri Nağı Səfərov, Niyaməddin Paşayev, baş katib Həmdiyyə Məmmədov, nəzarət-təftiş komissiyasının sədri Vüqar Məmmədov, gənclərin baş məşqçisi Məmməd Abdullayev, böyük məşqçi Zahid Məmmədov, yenieytmələrin böyük məşqçi Sənan Həşimov, eləcə də məşqçi-müəllimlərdən Rəşad Məmmədov və Vüqar Kərimov iştirak ediblər.