Azərbaycan karate federasiyaları asossiasiyasının yeni prezidenti kim oldu?

Fevralın 8-də gənclər və idman nazirliyində Azərbaycan karate federasiyaları asossiasiyasının ümumi yığıncağı keçirilib. Dövlət himni səsləndirilib, sonra AKFA-nın üzvü Həmdiyyə Məmmədov gündəlik barədə məlumat verib.

Allsport.az saytı xəbər verir ki, toplantıda seçkilər keçirilib və asossiasiyanın prezidenti vəsifəsinə Milli Məclisin üzvü Ülvi Quliyev, vitse-prezidenti postuna isə Füzuli Musayev, Rəhman Hətəmov, Fərid Əsgərov və Allahverdi Rüstəmov seçiliblər. Yaşar Bəşirov, Elçin Mehdizadə, Maarif Bağırov, Rəfael Bünyatov və Zöhrab Məmmədov idarə heyətinin üzvü seçiliblər.

AKFA-nın prezidenti Ülvi Quliyev çıxış edərək, qurumun bundan sonrakı fəaliyyəti və qarşıdakı planları barədə danışıb.