Azərbaycan karateçiləri Parisdə

Karate üzrə milli komandanın üzvləri 17-19 oktyabrda Parisdə keçiriləcək seçim yarışlarında iştirak etmək üçün yola düşüblər.

Allsport.az xəbər verir ki, yarışlar dünya çempionatına lisenziya qazanmaq məqsədilə təşkil olunur.

Milli komandamız Azərbaycan karate federasiyasının vitse-prezidenti Rəhman Hətəmovun və baş məşqçi Şahin Atamovun rəhbərliyi altında iştirak edəcək.

Seçim mərhələsində uğurla çıxış edən idmançılar 27-30 noyabrda Misirin paytaxtı Qahirədə keçiriləcək dünya çempionatında iştirak hüququ əldə edəcəklər.