Cənubi Koreyada gümüş medal əldə etdi

Azərbaycan parataekvondoçusu Sabir Zeynalov (58 kq) Cənubi Koreyanın Çxunçxon şəhərində keçirilən açıq çelenc turnirində gümüş medal qazanıb.

Allsport.az xəbər verir ki, yarışa 1/8 finaldan başlayan idmançı ardıcıl olaraq qazaxıstanlı, özbəkistanlı və taylandlı rəqiblərinə qalib gələrək finala vəsiqə əldə edib.

Həlledici görüşdə Çin-Taybeyini təmsil edən rəqibinə məğlub olan Zeynalov gümüş medala layiq görülüb.

Turnir Los Anceles-2028 yay paralimpiya oyunlarına reytinq xalları qazandırır.