Çempionun üç rəqibi bəllidir

Son ölkə çempionu, cari mövsümün lideri “Qarabağ” Antalyada təşkil olunacaq qış təlim-məşq toplanışında 6 yoxlama oyunu keçirəcək. Allsport.az xəbər verir ki, artıq Ağdam klubunun rəqiblərindən üçü bəllidir.

Qurban Qurbanovun komandası yanvarın 17-də Xorvatiyanın “Split” klubu ilə qarşılaşacaq. Çempionu yanvarın 21-də İsveçrə “Sürix”i ilə sınaq gözləyir. Yanvarın 29-da isə ağdamlılar “Qəbələ”nin sabiq baş məşqçisi Yuri Syominin çalışdırdığı Rusiyanın “Mordoviya” klubu ilə üz-üzə gələcək.

“Qarabağ”ın digər üç rəqibinin adına yaxın günlərdə aydınlıq gələcək.