“İl ərzində şəhidlərin xatirəsinə müxtəlif turnirlər keçiririk”

Bu gün “Sərhədçi” olimpiya-idman mərkəzində “Arpaçay” idman birliyinin təşkilatçılığı ilə 11-ci açıq karate yarışı start götürdü. Allsport.az saytı xəbər verir ki, 12 ölkədən 1300-dən artıq idmançının iştirak etdiyi tədbir barəsində “Arpaçay”ın 1-ci vitse-prezidenti Yavər Hüseynov bunu dedi:

“İlk növbədə, təşkilat komitəsinin rəhbəri olaraq, bu turniri işıqlandıran KİV nümayəndələrinə birliyimiz adından təşəkkürümü bildirirəm. Gənclər və idman nazirliyi ilə Azərbaycan karate federasiyasının dəstəyi sayəsində ildən-ildən bu yarış öz çevrəsini genişləndirir.

Məqsəd, vətən şəhidlərinin əziz xatirələrini yad etmək, idmanda kütləviliyi artırmaqdır. Ölkə başçısı İlham Əliyevin siyasənin davamı olaraq il ərzində şəhidlərin xatirəsinə müxtəlif turnirlər keçiririk”.