İmaməddin Xəlilov ən fəal kişi parataekvondoçusu seçilib

Dünya taekvondo federasiyası, taekvondo təbliğat fondu və “Taekwondowon” idman kompleksi tərəfindən Cənubi Koreyanın Muju şəhərində 2-10 iyulda təşkil edilən beynəlxalq təlim-məşq toplanışına yekun vurulub.

Allsport.az xəbər verir ki, taekvondo təbliğat fondu tərəfindən Paralimpiya çempionumuz İmaməddin Xəlilov təlim-təşq toplanışının ən fəal kişi parataekvondoçusu seçilib və ona iştirak sertifikatı ilə yanaşı, xüsusi xatirə hədiyyəsi təqdim olunub.

Toplanışı başa vuran digər parataekvondoçularımız Sabir Zeynalov və Orxan Cəfərova da müvafiq olaraq iştirak sertifikatı verilib.