“Qarabağ” futbol klubunun təşəbbüsü ilə Bakıda keçirilən BMT-nin iqlim dəyişmələri üzrə çərçivə sazişinin tərəflər konfransının 29-cu sessiyası (COP-29) çərçivəsində təşkil olunacaq futbol klublarının iqlim dəyişikliyi ilə mübarizədə birgə ittifaqın yaradılması ilə bağlı tədbirdə Fateh Tərim iştirak etdi. Allsport.az saytı xəbər verir ki, toplantıda tanınmış türkiyəli mütəxəssis bunu dedi:

“COP-29-un Azərbaycanda təşkili və bütün dünyanın gözünün Bakıda olması qürurvericidir. “Qarabağ” futbol klubunun bu məsələyə isti yanaşması və məni dəvət etdiyi üçün təşəkkür edirəm. Bu gün komandanın düşərgəsində oldum. Əziz həmkarım Qurban Qurbanov ilə görüşdüm, onunla yaxından tanış oldum.

Məni çox isti qarşıladı. Vaxtı ilə Türkiyədə oynamış Rəşad Sadıqovu da gördüm. BMT-nin iqlim dəyişmələri üzrə çərçivə sazişinin tərəflər konfransının 29-cu sessiyasında hörmətli dövlət başçımız Rəcəb Tayyib Ərdoğan da iştirak edib. Açığı,  iqlim dəyişikliyi ilə mübarizə təşəbbüsünü dəstəkləyirəm”.