Karate üzrə “Zəfər kuboku”

4-6 iyulda “Sərhədçi” idman olimpiya mərkəzində Azərbaycan karate federasiyası və Bakı şəhər gənclər və idman idarəsinin birgə əməkdaşlığı, “Arpaçay” idman birliyinin tərkibində fəaliyyət göstərən “Arpaçay” karate klubunun təşkilatçılığı ilə 44-günlük 2-ci Vətən müharibəsində Azərbaycan ordusunun qazandığı tarixi qələbəyə həsr olunmuş “Zəfər kuboku” adlı karate turniri keçiriləcək.

Allsport.az saytı xəbər verir ki, uşaq, yeniyetmə və gənclərin mübarizə aparacağı yarışda paytaxt və bölgələrdən 800-ə yaxın idmançının iştirakı gözlənilir. “Arpaçay”ın 1-ci vitse-prezidenti Yavər Hüseynovun sözünə görə, “Zəfər kuboku”nun təntənəli açılış mərasimi 5 iyul saat 15:00-da başlayacaq.