Karateçilərimiz dünya oyunlarında

Azərbaycan karateçiləri dünya oyunlarına yollanıblar. Allsport.az saytının məlumatına görə, Polşanın Vrotslav şəhərində nüfuzlu oyunların karate yarışlarında 2 idmançımız iştirak edəcək.

Firdovsi Fərzəliyev (61 kq) ilə Ayxan Mamayev (84 kq) bura vəsiqəni ötən ilin payızında Avstriyada dünya çempionatının mükafatlarına əsasən qazanıblar. 3-cü vəsiqənin sahibi Rafael Ağayev isə zədə üzündən yarışa qatıla bilməyib.

Milli Karate Federasiyasının prezidenti Yaşar Bəşirovun rəhbərliyi ilə bu mötəbər yarışda iştirak edən karateçilərimiz 25-26 iyulda mübarizə aparacaqlar.