Kişinyovda uğurlu çıxış

Moldovanın paytaxtı Kişinyovda keçirilmiş karate üzrə açıq qran pridə Azərbaycan təmsilçiləri uğurla çıxış ediblər.

Allsport.az xəbər verir ki, Qasımzadə Elnur 67 kiloqram çəki dərəcəsində birinci yeri, Ağayev Hikmət 60 kq-da ikinci yeri, Əlizadə Əliəkbər isə 75 kq-da ikinci yeri tutublar.

Osmanov Şaiq (75 kq), Sahibli Sahib (84 kq) və Hüseynli Elmin (84 kq) isə turnirin bürünc medalına layiq görülüblər.

Milli komanda bu yarışda AKF -in deflimpiya üzrə baş məşqçisi Seymur Xudaverdiyevin rəhbərliyi ilə iştirak edib.

Bundan əlavə, ölkəni yarışda beynəlxalq dərəcəli hakim Şahin Xudaverdiyev də təmsil edib.