Bayraqdar “Rehne” ilə oyundan imtina edib, Cavidin komandasını seçdi

“Neftçi”nin Antalya təlim-məşq toplanışı çərçivəsində keçirəcəyi üçüncü yoxlama oyunundakı rəqibi dəyişib. Allsport.az xəbər verir ki, “ağ-qaralar” Çinin “Rehne” klubu ilə qarşılaşmaqdan imtina edib.

Buna səbəb Türkiyənin “Elazığspor” klubundan gələn təklifdir. Beləliklə, “Neftçi” bu gün Bakı vaxtı ilə saat 19:00-dan etibarən azərbaycanlı futbolçu Cavid İmamverdiyevin icarə əsasında çıxış etdiyi “Elazığspor”la üz-üzə gələcək.

Qeyd edək ki, qarşılaşmadan öncə 20 yanvar şəhidlərinin əziz xatirəsi bir dəqiqəlik sükutla yad ediləcək və futbolçularımız oyuna qara sarğı ilə çıxacaq.