Oğuz Çətin: “Rəqiblərdən asılı olmayaraq, qol vurmalıyıq”

“Xəzər Lənkəran”ın baş məşqçisi Oğuz Çətin Topaz Premyer Liqasının 16-cı turu çərçivəsində “Bakı”ya qarşı keçirdikləri oyunu şərh edib. Allsport.az xəbər verir ki, cənub klubunun türkiyəli çalışdırıcısı 0:0 hesabıyla bitən qarşılaşmadan sonra bunları söyləyib:

“Bakı aqressiv şəkildə və müdafiədə oynamağı xoşlayan bir komandadır. Bu tip komandalara qarşı oynamaq çox çətindir. Futbolçularım daha ciddi olmalıdır. Yüksək yerlər uğrunda oynayırıqsa, rəqiblərdən asılı olmayaraq, qol vurmalıyıq”.