Olimpiya mükafatçımızdan çex diyarında 2 qızıl medal

Azərbaycan milli komandasının karateçisi İrina Zaretska Çex Respublikasının Plzen şəhərində beynəlxalq turnirin ikiqat qalibi olub.

Allsport.az xəbər verir ki, ukraynalı legionçu 68 kq çəki dərəcəsindən əlavə mütləq çəkidə də rəqiblərini məğlub edib.

“Qara qaplan” klubunun üzvü Veronika Qaşnikova isə 47 kq-da qızıl medal qazanıb.

Karateçilər beynəlxlaq turnirdə qadınlardan ibarət yığmanın baş məşqçisi Denis Morozovun rəhbərliyi altında çıxış ediblər.

İrina Zaretska Tokio-2020 yay olimpiya oyunlarında gümüş medal qazanıb.