Paralimpiyaçılar üçün maarifləndirici məşğələ

Azərbaycan milli antidopinq agentliyi (AMADA) və milli paralimpiya komitəsinin (MPK) birgə təşkilatçılığı ilə Avropa gənclər paralimpiya oyunlarında iştirak edəcək idmançılar və məşqçilər üçün antidopinq mövzusunda maarifləndirici seminar keçirilib.

Allsport.az xəbər verir ki, Təqdimat şəklində keçirilən seminarda AMADA-nın təhsil məsələləri üzrə aparıcı mütəxəssisi Qüdrət Səfərov tərəfindən antidopinq qayda pozuntuları, dopinq təhlükələri və dopinq nəzarəti prosesi haqqında ətraflı məlumat verilib.