Paytaxtda triatlon yarışı

Oktyabrın 6-da Avropa oyunları parkında həvəskarlar arasında “Baku triathlon 2019” keçiriləcək. Allsport.az saytı xəbər verir ki, yarış sprint məsafəsi üzrə olacaq.

İştirakçılar 0,5 kilometr üzgüçülük, sonra velosipedlə 20 kilometr qət etmə və 5 kilometr qaçışla məsafəni tamamlayacaqlar.

Müxtəlif yaş kateqoriyasında keçiriləcək turnirdə komanda estafetində də qaliblər müəyyənləşəcək.