Qubada təlim-məşq

Parataekvondo üzrə milli komandanın fevralın 28-dən martın 11-dək Quba olimpiya idman kompleksində təlim-məşq toplanışı olacaq.

Allsport.az xəbər verir ki, növbəti beynəlxalq yarışlara hazırlıq məqsədilə təşkil olunan toplanışda 8 idmançı hazırlıq keçəcək.

Baş məşqçi Fərid Tağızadənin rəhbərliyi ilə təşkil ediləcək təlim-məşq toplanışında kişi idmançılardan Sabir Zeynalov, Amin Əliyev, Ayxan Nuruyev, Amin Şıxalıyev, İmaməddin Xəlilov və Orxan Cəfərov, qadınlardan isə Röyalə Fətəliyeva ilə Səmayə Həsənova iştirak edəcək.