Rəşad Sadıqovla Qurban Qurbanov bir-birinə rəqib oldu

“Qarabağ”ın məşqçilər heyəti ilə millinin keçmiş futbolçuları arasında “Qarabağ Azərbaycandır!” yoldaşlıq oyunu keçirilib. Allsport.az saytı xəbər verir ki, görüş 7:3 veteranların qələbəsi ilə yekunlaşıb.

“Köhlən atlar”ın heyətində Elçin Rəhmanov Çudomir Çakarov, Zaur Tağızadə, milli komandanın heyətində isə  Mahmud Qurbanov (3 qol), Tərlan Əhmədov (2 qol), Oqtay Abdullayev, Zaur Ramazanov fərqləniblər.

Ağdam klubunun heyətində qapıçı Elxan Həsənov, sahə oyunçuları Qurban Qurbanov, Elçin Rəhmanov, Zaur Tağızadə, Mario Mitov, Çudomir Çakarov Müşviq Hüseynov, Yanoş Vasilyev və Elşən Həsənov yer alıb. Yığmada isə Fərhad Vəliyev, Oqtay Abdullayev, Rəşad Sadıqov, Mahmud Qurbanov, Tərlan Əhmədov, Zaur Ramazanov, Samir Əliyev və Musa Qurbanov mübarizə aparıb.