Ramin Əzizov: «Artıq böyük yarışlarda yüksək əyarlı medalların qazanmağın vaxtıdır»

Taekvondoçulardan ibarət milli komandanın aparıcı üzvülərindən olan Ramin Əzizov (80 kq) bu mövsüm qarşısına daha ciddi məqsəd qoyub. Allsport.az saytın verdiyi açıqlamasında titullu idmançı deyib ki, o, ilk öncə qran-pri turnirlərində fərqlənmək niyyətindədir:

«Hədəflərim çoxdur. Əvvəlcə, reytinq xarakterli yarışlarda xallarımın sayını artırmalıyam. Sonra yığma komanda öz sözünü 12-18 mayda Rusiyanın Çelyabnsk şəhərində keçiriləcək dünya çempionatında deməlidir. Düzdür, buna qədər hələ bizi 25-29 martda Nalçikdə təşkil olunacaq Avropa ən güclülərinin yarışı gözləyir. Amma əsas hədəf dünya çempionatıdır».

London Olimpiadasının iştirakçısı onu da bildirib ki, Çelyabnskdə qarşısına qoyduğu məqsəd, fəxri kürsünün yüksək pilllərinə çıxmaqdır: «Dünya çempionatında bürünc medal qazanmışam. Artıq böyük yarışlarda yüksək əyarlı medalların qazanmağın vaxtıdır».

Ramin Əzizov əlavə edib ki, iyunda bütün diqqət Bakı-2015-ə yönələcək. Mövsümündə ən başlıca tapşırıq «dördillik»də zirvəyə yetişməkdir: «ilk Avropa Oyunları ölkəmizdə keçiriləcəyindən, burada uğurlu çıxış etməliyik. Mən də digər həmkarlarım kimi, Bakı-2015-də qızıl medal qazanmaq istəyirəm».