“Sabah”a 4000 manatlıq cərimə

AFFA intizam komitəsinin iclası keçirilib.

Allsport.az xəbər verir ki, toplantıda Azərbaycan kubokunun yarımfinal mərhələsində baş verənlərlə bağlı qərar qəbul olunub.

“Araz-Naxçıvan” evdə “Qarabağ”la oyunda 4 futbolçusu sarı vərəqə aldığı üçün 700 manat cərimə edilib.

“Neftçi” evdə “Sabah”la görüşdə azarkeşləri tərəfindən pirotexniki vasitədən istifadə edildiyinə görə 1500 manat xərcə düşüb.

Eyni oyunun 90+3-cü dəqiqəsində qonaq komandanın məşqçisi Aleksey Antonyuk hakimləri təhqir etdiyinə görə birbaşa qırmızı vərəqə aldığı üçün 3 oyun şərti olmaqla 5 oyun cəzalanıb. “Bayquşlar” isə 4000 manat cərimə edilib. Sınaq müddəti 3 ay təyin edilib.