Son 6 mövsümün rekordu

Azərbaycan kubokunda 1/4 finalın ilk oyunlarında 13 qol vurulub. Allsport.az saytı xəbər verir ki, son 6 mövsümün rekordudur. 1/4 finalın ilk matçlarında daha çox qolun vurulmasına sonuncu dəfə 2016/17 mövsümündə təsadüf olunub.

Həmin vaxt 4 görüşdə 14 qol vurulub. Bu qarşılaşmalar üçün mütləq rekord 2006/07 mövsümündə qeydə alınıb. 1/4 finalın 2007-ci ildə baş tutan ilk oyunlarında 17 qol vurulub.

Ötən mövsüm bu rəqəm 8-ə bərabər olub.