Suraxanı rayonu və “Qarabağ”ın birgə təşkilatçılığı ilə Heydər Əliyevin 100-illiyinə ağacəkmə aksiyası

Suraxanı rayon icra hakimiyyəti və “Qarabağ” futbol klubunun birgə təşkilatçılığı ilə Zığ qəsəbəsi, Dədə Qorqud yaşayış sahəsində ümummilli lider Heydər Əliyevin anadan olmasının 100 illik yubileyi ilə əlaqədar ağacəkmə aksiyası keçirilib.

Allsport.az saytı xəbər verir ki, tədbirdə Suraxanı icra başçısı Əziz Əzizov və rayon hakimiyyətinin nümayəndələri, Ağdam komandasının direktoru Əmrah Çəlikəl, meneceri Asif Əsgərov, komandanın baş məşqçisi Qurban Qurbanov və futbolçular iştirak ediblər.