Taekvodoçumuz dünya çempionatında mübarizəni dayandırıb

Allsport.az xəbər verir ki, Azərbaycan taekvondoçusu Cavad Ağayev Bakıda keçirilən dünya çempionatında ikinci görüşünü keçirib. O, 1/16 finalda çinli Çenminq Xiao ilə qarşılaşıb.

İlk döyüşündə Eldar Kurmanaliyevə (Qırğızıstan) qalib gələn təmsilçimiz bu dəfə 1:2 hesabı ilə məğlub olub.

Bu gün start götürən dünya çempionatı iyunun 4-də başa çatacaq. Yarışda 145 ölkədən 949 idmançı 16 dəst medal uğrunda mübarizə aparırlar. Dünya çempionu olacaq idmançı aktivinə 140 reytinq xalı əlavə edəcək.