Zəfər gününə stolüstü tennis üzrə ölkə birinciliyinə yekun vurulub

“Şüa idman kompleksi”ndə keçirilən yarışda paytaxt və bölgələrdən 2011-ci il və daha kiçik təvəllüdlü 70-ə yaxın idmançı bacarığını göstərib.

Allsport.az saytı xəbər verir ki, gərgin və maraqlı mübarizənin nəticələrinə əsasən qızlar arasında Yağmur Məmədli ölkə çempionu adını qazanıb. Banu Baytallı 2-ci, Leyli Məmmədova ilə Rüqəyya Qasımzadə 3-cü yeri tutub.

Oğlanların mübarizəsi Onur Quluzadənin qələbəsi ilə nəticələnib. Şakir Qədirov 2-ci, Vaqif Babayevlə Ruslan Kərimov 3-cü olub.