AİA-da beynəlxalq səyyar təhsil proqramı

Azərbaycan idman akademiyası və Rusiyanın MGİMO universiteti birgə beynəlxalq səyyar təhsil proqramı keçirir. Allsport.az saytı xəbər verir ki, 2-7 dekabrı əhatə edən səyyar təhsil proqramının rəsmi açılışı olub.

Toplantıda akademiyanın rektoru Fuad Hacıyev qonaqları salamlayaraq, səyyar təhsil proqramının iştirakçıklarına uğurlar arzu edib. MGİMO-nun biznes və beynəlxalq kompetensiyalar məktəbinin direktoru Angelika Mirzəyeva da çıxış edərək yaradılmış şərait və qonaqpərvərlik üçün akademiyanın rəhbəriliyinə və əməkdaşlarına xüsusi təşəkkürünü çatdırıb.

Proqram çərçivəsində iştirakçılar üçün təhsil modulları ilə yanaşı, həm də mədəni proqram həyata keçiriləcəkdir. Belə ki, iştirakçılar İçərişəhər və Heydər Əliyev mərkəzi, eyni zamanda Su idmanı sarayının idman infrastrukları ilə tanış ola biləcəklər.