Albert Səlimov: Dəbilqəsiz döyüşmək daha rahatdır

«Dəbilqəsiz döyüşmək rahatdır. Belədə, rinqdə rahat və cəld hərəkət edirsən. Əgər baş geyimsiz zədələnirəmsə, günah məndədir –  hazırlığım yetərincə deyil; texnikam güclü zərbələrdən qaçmağa imkan vermir».

Bunu allsport.az saytına müsahibəsində, idmançılarımız arasında Rio-2016-ya ilk vəsiqə qazanan Albert Səlimov (60 kq) dedi. Titullu boksçunun sözünə görə, əsas yaxşı mübarizə aparmaqdır. Onda, idmançıya dəbilqədə, ya dəbilqəsiz döyüşmək fərq etmir:

«Düzdür, son dünya çempionatında baş geyimim olsaydı, zədədən qaçıb qızıl medalı qazanacaqdım. Nə etmək olar? Qismət bele imiş. Amma boksçular artıq dəbilqəsiz çıxış etməyə öyrəşiblər. Ona görə, boksçular BOK-un Rio-2016-da baş geyimi ilə döyüşmək qərarına o qədər də sevinmirlər».