Azərbaycan nümayəndə heyəti Anqarada

Dekabrın 3-dən 6-dək “İdman sahəsində mütəxəssis mübadiləsi proqramı”nda iştirak etmək üçün, Azərbaycan nümayəndə heyəti Anqarada olub. Allsport.az saytı xəbər verir ki, səfər çərçivəsində nümayəndə heyətinə Türkiyə gənclər və idman nazirliyində struktur bölmələri, məşqçilərə təlimlərin keçirilməsi və fəallıqlarının qiymətləndirilməsi, beynəlxalq layihələrin həyata keçirilməsi haqqında təqdimat nümayiş olunub.

İdmana dair məlumat bazasının yaradılması, elektron sistem üzərindən idarə edilməsi, statistik məlumatların əldə edilməsi və digər mövzular üzrə təlimlər keçirilib.

Mübadilə proqramına əsasən Azərbaycan nümayəndə heyətinin Türkiyə olimpiya hazırlıq mərkəzinə, Sporcu sağlığı, performansı və hizmet kalitə standartları dairə başqanlığına, cüdo federasiyasına ziyarətləri təşkil olunub.

Gündəliyə əsasən nazirlik daxilində İdman şöbəsinin rəhbər şəxsləri ilə görüşlər keçirilib, təcrübə mübadiləsinin qiymətləndirilməsi və müzakirəsi aparılıb.