AzDBTİA-da SABAH qrupları rəsmiləri ilə görüş

Azərbaycan dövlət bədən tərbiyəsi və idman akademiyasının akt zalında “İdman menecmenti və kommunikasiya” və “Bədən tərbiyəsi və idmanda reabilitasiya” ixtisasları üzrə təhsil alan 1-ci kurs tələbələri ilə görüş keçirilib. Allsport.az saytı xəbər verir ki, toplantıda təhsil nazirliyinin SABAH qruplarının icra komitəsinin nümayəndələri də iştirak ediblər.

AzDBTİA-nın rektoru Fuad Hacıyev, SABAH qruplarında tətbiq olunan təhsil sistemi və akademiyada aparılan yeniliklər tədrisin keyfiyyətinin yüksəldilməsi, bacarıqlı və hazırıqlı tələbələrin yetişdirilməsi, idman əmək bazarının artan tələblərinə müvafiq olaraq kadr hazırlığının təmin edilməsi məqsədi daşıdığını bildirib.