Boks üzrə ölkə çempionatının birinci günündə 45 döyüş keçiriləcək

Dekabrın 25-də Azərbaycan Boks Mərkəzində idmanın bu növü üzrə böyüklər arasında ölkə çempionatı başlayıb. Allsport.az xəbər verir ki, beş gün davam edəcək yarışda 200-dən artıq kişi və qadın idmançı mübarizə aparır.

Paytaxt və regionları təmsil edən komandaların heyətində çıxış edən idmançılar on çəki dərəcəsi üzrə qalib və mükafatçıları müəyyənləşdirirlər.

Azərbaycan çempionatının ilk günündə rinqə 60, 69 və 75 kiloqram çəki dərəcəsində boksçular çıxıblar. Çempionatın birinci günündə ümumilikdə 45 döyüş keçiriləcək.

Yarışların baş hakimi beynəlxalq dərəcəli hakim Fuad Aslanovdur.

Azərbaycan çempionatı dekabrın 29-dək davam edəcək.