Boksçu 28 yaşında öldü

Yaponiyanın boksçusu Siqetosi Kotari kəmər uğrunda döyüşdən bir neçə gün sonra dünyasını dəyişib.

Allsport.az xəbər verir ki, onun 28 yaşı var idi.

Kotari avqustun 3-də titul uğrunda Yamato Hato ilə döyüşmək üçün rinqə çıxıb. Qarşılaşma heç-heçə başa çatıb.

Siqetosi döyüş vaxtı çoxsaylı kəllə-beyin travması alıb və subdural hematoma səbəbindən təcili beyin əməliyyatı keçirmək üçün xəstəxanaya çatdırılıb. Əməliyyatdan 6 gün sonra gecə saatlarında Kotari ölüb.